32
واشنگٹن… امریکا نے یوکرین کو جدید فضائی دفاعی نظام فراہم کرنے کی منظوری دے دی ہے جس کی مالیت تقریبا 179 ملین ڈالر بتائی جا رہی ہے۔امریکی محکمہ خارجہ نے اس فیصلے کی تصدیق کرتے ہوئے کہا ہے کہ یوکرین کو پیٹریاٹ ایئر ڈیفنس سسٹم فروخت کرنے کا منصوبہ تیار کر لیا گیا ہے۔ حکام کے مطابق اس دفاعی معاہدے کی مالیت 179 ملین ڈالر مقرر کی گئی ہے۔یاد رہے کہ گزشتہ ماہ امریکی صدر ڈونلڈ ٹرمپ نے اعلان کیا تھا کہ امریکا یوکرین کو پیٹریاٹ ایئر ڈیفنس سسٹمز فراہم کرے گا تاکہ وہ روسی حملوں کے خلاف مثر دفاع کر سکے۔ یہ ہتھیار ایک نئے معاہدے کے تحت فراہم کیے جائیں گے، جس میں نیٹو اتحادی ممالک بھی کچھ لاگت برداشت کریں گے۔
