16
اسلام آباد… پاکستان تحریک انصاف کے مزید 28 اراکین اسمبلی نے قائمہ کمیٹیوں سے استعفیٰ دے دیا ہے۔ ذرائع کے مطابق ان اراکین نے استعفے اسپیکر آفس میں جمع کروا دیے ہیں۔اسی کے ساتھ پارٹی کے 6 اراکین نے کمیٹی چیئرمین شپ سے بھی مستعفی ہونے کا اعلان کیا ہے، جن میں جنید اکبر، عامر ڈوگر، ثنا اللہ مستی خیل، ڈاکٹر ضیا الدین، جاوید اقبال اور حاجی امتیاز احمد شامل ہیں۔پی ٹی آئی کے مزید 28 اراکین کے استعفی کے بعد اب پارٹی کے کل 47 اراکین نے قائمہ کمیٹیوں سے رکنیت سے دستبرداری کر دی ہے۔ واضح رہے کہ بانی پی ٹی آئی عمران خان نے گزشتہ دنوں پارٹی ممبران اسمبلی کو ہدایت کی تھی کہ وہ قائمہ کمیٹیوں سے مستعفی ہو جائیں۔
