12
اسلام آباد… بھارت نے پاکستان کو دریائے ستلج میں اونچے درجے کے سیلاب سے آگاہ کر دیا ہے۔ جیو نیوز کے مطابق بھارتی ہائی کمیشن نے فلڈ الرٹ کے لیے مراسلہ بھیجا، جس کے بعد وزارت آبی وسائل نے فوری طور پر الرٹ جاری کر دیا۔بھارتی ہائی کمیشن کے مطابق دریائے ستلج کے ہریکے زیریں اور فیروز پور زیریں میں اونچے درجے کے سیلاب کا امکان ہے۔ ساتھ ہی دریائے توی کے مقبوضہ جموں کے مقام پر بھی شدید سیلاب کی اطلاع دی گئی ہے۔محکمہ پی ڈی ایم اے پنجاب نے بھی صوبے میں 5 ستمبر تک بارشوں کی پیش گوئی کرتے ہوئے خبردار کیا ہے کہ سیلابی صورتحال میں شدت آنے کا امکان ہے۔ شہریوں اور متعلقہ حکام کو محفوظ اقدامات کرنے کی ہدایت جاری کی گئی ہے۔
