آذربائیجان…وزیراعظم شہباز شریف اور آذربائیجان کے صدر الہام علییوف کے درمیان ملاقات چین کے شہر تیانجن میں شنگھائی تعاون تنظیم (SCO) کے سربراہی اجلاس کے موقع پر ہوئی، جس میں دو طرفہ تعلقات اور مختلف شعبوں میں تعاون پر تفصیلی تبادلہ خیال کیا گیا۔ ملاقات کے دوران وزیراعظم نے آذربائیجان اور آرمینیا کے مابین طے پانے والے تاریخی امن معاہدے پر صدر علییوف کو مبارکباد دی اور اسے جنوبی قفقاز میں پائیدار امن و استحکام کے لیے ایک اہم سنگ میل قرار دیا۔دونوں رہنماں نے تجارت، سرمایہ کاری، توانائی، دفاع، تعلیم اور عوامی سطح پر روابط سمیت مختلف شعبوں میں دو طرفہ تعاون کو فروغ دینے پر اتفاق کیا۔ ساتھ ہی خطے میں رابطہ سازی کے منصوبوں اور شنگھائی تعاون تنظیم کے فریم ورک کے تحت تعاون بڑھانے کی ضرورت پر بھی زور دیا گیا۔ملاقات کے دوران دونوں جانب سے پاک-آذربائیجان تعلقات میں ہونے والی مثبت پیش رفت پر اطمینان کا اظہار کیا گیا۔ صدر الہام علییوف نے پاکستان میں حالیہ سیلاب سے ہونے والے نقصانات پر گہرے دکھ اور ہمدردی کا اظہار کرتے ہوئے کہا کہ آذربائیجان کی حکومت اور عوام اس کڑے وقت میں پاکستان کے ساتھ کھڑے ہیں۔وزیراعظم شہباز شریف نے صدر علییوف کو جلد پاکستان کے سرکاری دورے کی دعوت بھی دی۔
وزیراعظم کی آذربائیجان کے صدر سے ملاقات، دوطرفہ تعلقات سمیت مختلف شعبوں میں تعاون پر گفتگو
40
