13
اسلام آباد…وفاقی وزیر بحری امور محمد جنید انوار چوہدری نے اعلان کیا ہے کہ پاکستان کو امریکا میں مچھلی اور دیگر سمندری مصنوعات برآمد کرنے کی چار سالہ اجازت مل گئی ہے۔وزیر بحری امور کے مطابق یہ منظوری پاکستانی سی فوڈ کے اعلی معیار کا عالمی سطح پر اعتراف ہے۔ انہوں نے کہا کہ ہماری فشریز امریکی معیار پر پوری اتری ہیں جس کے بعد سمندری مصنوعات کی برآمدات میں تسلسل یقینی بن گیا ہے۔جنید انوار چوہدری کا کہنا تھا کہ امریکا کی جانب سے منظوری پاکستان کی برآمدات کو مزید استحکام دے گی۔ گزشتہ سال پاکستان نے دو لاکھ بیالیس ہزار ٹن مچھلی برآمد کرکے 489 ملین ڈالر کا زرمبادلہ حاصل کیا، جب کہ اگلے سال 600 ملین ڈالر تک کی برآمدات کا امکان ہے۔
