امریکا کے ایران پر تازہ حملے پہلے سے زیادہ وسیع قرار

واشنگٹن( مانیٹرنگ ڈیسک) ایک امریکی عہدیدار نے دعویٰ کیا ہے کہ ایران پر کیے جانے والے تازہ امریکی حملے گزشتہ روز کی کارروائیوں کے مقابلے میں کہیں زیادہ وسیع اور بڑے پیمانے پر ہیں۔امریکی نیوز ویب سائٹ ایگزیوس نے امریکی عہدیدار کے حوالے سے رپورٹ کیا ہے کہ نئی فوجی کارروائی کا دائرۂ کار منگل کے حملوں کے مقابلے میں نمایاں طور پر بڑھا دیا گیا ہے۔امریکی سینٹرل کمانڈ کے مطابق منگل کو کی گئی کارروائی میں ایران کے 80 سے زائد اہداف کو نشانہ بنایا گیا تھا، جن میں فضائی دفاعی نظام بھی شامل تھے۔بیان کے مطابق امریکی حملوں میں ایرانی کمانڈ اینڈ کنٹرول نیٹ ورک، ساحلی ریڈار تنصیبات، بحری جہاز شکن میزائل صلاحیتوں اور پاسدارانِ انقلاب کی 60 سے زائد چھوٹی کشتیوں کو بھی نشانہ بنایا گیا تھا۔امریکی حکام کا کہنا ہے کہ حالیہ کارروائی اس سے بھی زیادہ وسیع ہے، تاہم تازہ حملوں میں نشانہ بنائے گئے مقامات اور نقصانات کی مکمل تفصیلات فوری طور پر جاری نہیں کی گئیں۔