آذربائیجان میں آئندہ سال بڑے سماجی اصلاحاتی پیکیج پر عملدرآمد کی تیاری

باکو (تر کیہ خبر)آذربائیجان کے وزیر خزانہ ساحل بابایف نے کہا ہے کہ آئندہ سال ایک اور بڑے سماجی اصلاحاتی پیکیج کا منصوبہ بنایا جا رہا ہے، جس کی حتمی تفصیلات حکومت میں زیرِ غور ہیں۔پارلیمنٹ کی اقتصادی پالیسی، صنعت اور کاروبار سے متعلق کمیٹی کے اجلاس میں 2027 کے ریاستی بجٹ کے مسودے پر گفتگو کرتے ہوئے انہوں نے بتایا کہ بجٹ میں اس مقصد کے لیے جاری اخراجات کے تحت مناسب فنڈز مختص کرنے کی گنجائش رکھی گئی ہے۔وزیر خزانہ کے مطابق سماجی اصلاحات کا پیکیج روایتی طور پر مختلف شعبوں اور طبقات کا احاطہ کرتا ہے، اسی لیے ان اقدامات کے باعث جاری اخراجات میں بھی اضافہ متوقع ہے۔