وینزویلا میں زلزلوں کے بعد امداد کی سہولت کے لیے امریکی پابندیوں میں عارضی نرمی

واشنگٹن( مانیٹرنگ ڈیسک) امریکی حکومت نے وینزویلا کے خلاف عائد کئی اقتصادی پابندیاں چار ماہ کے لیے عارضی طور پر ہٹا دی ہیں تاکہ ملک میں حالیہ مہلک زلزلوں کے بعد امدادی سرگرمیوں میں آسانی پیدا ہو سکے۔امریکی محکمہ خزانہ کی جانب سے جاری لائسنس کے مطابق 23 اکتوبر تک وینزویلا میں زلزلے سے متعلق امدادی کارروائیوں کے لیے تمام مالی لین دین کی اجازت ہوگی۔اقوام متحدہ کے دفتر برائے انسانی امور کے مطابق چلی، کولمبیا، ایل سلواڈور، اٹلی، میکسیکو، سوئٹزرلینڈ اور امریکہ کی امدادی ٹیمیں پہلے ہی وینزویلا پہنچ چکی ہیں اور ریسکیو کارروائیوں میں حصہ لے رہی ہیں۔واضح رہے کہ امریکہ نے 2019 کے بعد سے وینزویلا پر سخت اقتصادی پابندیاں عائد کر رکھی تھیں، جو اب انسانی ہمدردی کی بنیاد پر جزوی طور پر نرم کی گئی ہیں۔