محمد بن سلمان اور اردوان کا رابطہ، بحیرۂ احمر کی سلامتی پر تعاون بڑھانے پر اتفاق
ریاض( مانیٹرنگ ڈیسک) سعودی ولی عہد شہزادہ محمد بن سلمان اور ترک صدر رجب طیب اردوان کے درمیان ٹیلیفونک گفتگو ہوئی، جس میں خطے کی صورتحال بالخصوص بحیرۂ احمر کی سکیورٹی پر تبادلہ خیال کیا گیا۔دونوں رہنماؤں نے بحیرۂ احمر میں بحری آمد و رفت کے تحفظ کے لیے تعاون مزید مضبوط بنانے پر اتفاق کیا۔ ترک صدر نے تجارتی جہازوں پر حوثیوں کے حملوں کی مذمت کرتے ہوئے سعودی عرب کے ساتھ مکمل یکجہتی کا اظہار کیا۔صدر اردوان نے سعودی قیادت میں قائم بحری دفاعی اتحاد کے اقدامات کا خیرمقدم کیا، جبکہ دونوں ممالک نے دوطرفہ تعلقات اور باہمی تعاون کو مزید فروغ دینے کے عزم کا اعادہ کیا۔