غزہ میں اسرائیلی حملے، 4 سالہ بچے سمیت 2 فلسطینی شہید

 غزہ( مانیٹرنگ ڈیسک)غزہ میں اسرائیلی فضائی کارروائیوں کے نتیجے میں کم از کم 2 فلسطینی شہید اور 7 زخمی ہوگئے، شہید ہونے والوں میں 4 سالہ بچہ بھی شامل ہے۔فلسطینی طبی حکام کے مطابق وسطی غزہ کے علاقے الزوایدہ میں اسرائیلی حملے سے ایک عمارت مکمل طور پر تباہ ہوگئی، جس کے ملبے اور دھاتی ٹکڑے اطراف میں پھیل گئے۔ دوسرا حملہ نصیرات پناہ گزین کیمپ کے قریب کیا گیا۔حکام کے مطابق اسرائیل نے غزہ سے غبارے، ڈرون اور پتنگیں بھیجے جانے کا دعویٰ کرتے ہوئے مزید حملوں کی دھمکی دی تھی۔ اکتوبر 2025 میں امریکی حمایت سے ہونے والی جنگ بندی کے بعد بڑے پیمانے کی لڑائی میں کمی آئی، تاہم اسرائیلی حملے مکمل طور پر ختم نہیں ہوئے۔