ایران کے فوجی بنیادی ڈھانچے کو نشانہ بنایا جا رہا ہے:امریکی سینٹرل کمانڈ کا دعویٰ

واشنگٹن( مانیٹرنگ ڈیسک) امریکی سینٹرل کمانڈ (سینٹ کام) نے اعلان کیا ہے کہ وہ ایران کے فوجی بنیادی ڈھانچے کو نشانہ بنا رہی ہے اور ان اہداف کو تباہ کر رہی ہے جنہوں نے دہائیوں سے خطے میں خطرات پیدا کیے۔سینٹ کام کے مطابق امریکی افواج ایرانی نظام کے بنیادی ڈھانچے اور فوجی صلاحیتوں کو کمزور کرنے کے لیے یہ کارروائیاں کر رہی ہیں، جس سے امریکی افواج اور علاقائی شراکت داروں کو لاحق خطرات میں کمی متوقع ہے۔قبل ازیں، سینٹ کام نے کہا تھا کہ A-10 تھنڈر بولٹ لڑاکا طیاروں نے ایرانی بحریہ کے خلاف حملے کیے ہیں۔ جنگ کے آغاز سے اب تک امریکی افواج نے ہزاروں فضائی مشن انجام دیے اور 9,000 سے زیادہ اہداف کو نشانہ بنایا گیا۔ماہرین کے مطابق اس کارروائی کے اثرات خطے کی سلامتی اور عالمی سیاسی صورتحال پر دیرپا اثر ڈال سکتے ہیں۔