آذربائیجان میں شہدا کے خاندانوں اور جنگ متاثرین کو 36 گھر مل گئے

باکو ( تر کیہ خبر) آذربائیجان کی وزارت محنت و سماجی تحفظ کی جانب سے 20 ستمبر کو منائے جانے والے یومِ ریاستی خودمختاری سے قبل شہدا کے خاندانوں اور جنگ کے باعث معذوری کا شکار افراد میں مزید 36 رہائشی یونٹس تقسیم کیے گئے۔آذرتاج کے مطابق رہائشی یونٹس کی دستاویزات حوالے کرنے کی تقریب نمبر 4 ڈوسٹ مرکز میں منعقد ہوئی۔ یہ مکانات ریاستی ہاؤسنگ ڈویلپمنٹ ایجنسی کے زیر انتظام ہووسان رہائشی کمپلیکس میں واقع ہیں۔