ترکیہ کا مصنوعی ذہانت سے لیس قمری روبوٹ 2030 میں چاند پر بھیجنے کا منصوبہ

انطالیہ( ترکیہ خبر) ترکیہ کی مشرقِ وسطیٰ ٹیکنیکل یونیورسٹی 2030 میں اپنا تیار کردہ چھوٹا قمری روبوٹ ’’چیری‘‘ چاند پر بھیجنے کا منصوبہ بنا رہی ہے۔یونیورسٹی کے ریکٹر احمد یوزگاتلی گل نے انادولو ایجنسی کو بتایا کہ روبوٹ کا ابتدائی نمونہ تیار ہو چکا ہے اور اس وقت اس کی آزمائش جاری ہے۔ انہوں نے یہ بات ترکیہ کے صوبے انطالیہ میں منعقدہ 77ویں بین الاقوامی خلائی کانگریس کے موقع پر کہی۔چیری منصوبے میں مصنوعی ذہانت سے چلنے والی دو خودکار گاڑیاں شامل ہیں، جنہیں چین کے قومی خلائی ادارے کے تعاون سے تیار کیا گیا ہے۔یہ دونوں روبوٹ چاند کے قطبِ جنوبی پر شدید سردی اور محدود دھوپ میں کام کرنے کے لیے بنائے گئے ہیں۔ ان کا مقصد بیک وقت سطحِ زمین کا مطالعہ کرنا اور دور سے حاصل کردہ معلومات کے ذریعے چٹانوں کے نمونوں کا تجزیہ کرنا ہے۔