آزاد علاقوں میں بارودی سرنگیں متاثرین کی واپسی میں رکاوٹ ہیں، آذربائیجان

واشنگٹن( تر کیہ خبر) آذربائیجان نے کہا ہے کہ قبضے سے آزاد کرائے گئے علاقوں میں بارودی سرنگوں اور جنگی دھماکہ خیز مواد کی وسیع پیمانے پر موجودگی متاثرین کی واپسی کے عمل میں رکاوٹ بنی ہوئی ہے۔آذربائیجان کے اقوام متحدہ میں مستقل مشن کے فرسٹ سیکریٹری شہریار حاجیوف نے اقوام متحدہ کی جنرل اسمبلی کے 81ویں اجلاس کی تیسری کمیٹی سے خطاب کرتے ہوئے یہ بات کہی۔اقوام متحدہ کے ہائی کمشنر برائے مہاجرین کی رپورٹ پر ہونے والی بحث کے دوران انہوں نے کہا کہ آذربائیجان نے تنازع کے نتیجے میں مہاجرین اور اندرونِ ملک بے گھر افراد کے مسئلے کا براہِ راست سامنا کیا ہے۔ ان کے مطابق، کئی برس تک آذربائیجان اپنی آبادی کے تناسب سے دنیا کی سب سے بڑی مہاجر اور بے گھر آبادیوں میں سے ایک کی میزبانی کرتا رہا ہے۔