صدر الہام علییف کا ترکمان باشی میں قومی پکوانوں کے میلے کا دورہ
ترکمان باشی( تر کیہ خبر) آذربائیجان کے صدر الہام علییف نے 8 اکتوبر کو ترکمان باشی شہر میں منعقدہ آزاد ریاستوں کی دولت مشترکہ کے ممالک کے قومی پکوانوں کے میلے کا دورہ کیا۔یہ میلہ ترکمانستان کی جانب سے 2026 میں تنظیم کی صدارت کے سلسلے میں منعقد ہونے والی تقریبات کا حصہ ہے، جس میں آٹھ ممالک شریک ہیں۔آذربائیجان کی وزارتِ ثقافت اور ریاستی سیاحتی ایجنسی کے اشتراک سے میلے میں ملک کا قومی پویلین قائم کیا گیا ہے، جو دو حصوں پر مشتمل ہے۔ اس کے پکوانوں والے حصے میں آذربائیجان کے روایتی کھانے اور متنوع غذائی ثقافت پیش کی گئی ہے۔پویلین میں آذربائیجان کے مختلف علاقوں کے مقامی پودوں، پھلوں، اناج، خشک میوہ جات اور دیگر مصنوعات کے علاوہ یونیسکو کے غیر مادی ثقافتی ورثے کی فہرست میں شامل آذربائیجان کی چائے کی روایات بھی زائرین کے سامنے پیش کی جا رہی ہیں۔