غزہ میں فلسطینیوں نے اسپین کی ورلڈ کپ فتح کا جشن منایا

 باکو( سپورٹس ڈیسک) وسطی غزہ کے نصیرات پناہ گزین کیمپ میں فلسطینی شہریوں نے کیفے میں جمع ہو کر 2026 فیفا ورلڈ کپ کا فائنل دیکھا، جہاں اسپین کی ارجنٹینا کے خلاف فتح پر خوشی کا اظہار کیا گیا۔میچ کی اجتماعی اسکریننگ نے جنگی حالات اور روزمرہ مشکلات سے دوچار غزہ کے لوگوں کو چند گھنٹوں کے لیے تفریح اور خوشی کا موقع فراہم کیا۔بہت سے فلسطینی شہریوں نے اسپین کی حمایت کی، جس کی ایک وجہ فلسطینی عوام کے لیے اس ملک کا مؤقف اور حمایت بھی قرار دی گئی۔میچ دیکھنے والے غزہ کے رہائشی نعمان عبداللہ نے خبر رساں ادارے انادولو کو بتایا کہ ہم اسپین کی حمایت کے لیے جمع ہوئے کیونکہ اسپین کئی برسوں سے فلسطینی عوام کے ساتھ کھڑا ہے۔انہوں نے کہا کہ یہ اجتماع امن اور ان ممالک کے ساتھ اظہار یکجہتی کا پیغام بھی ہے جو فلسطینی عوام کے ساتھ کھڑے ہیں۔نعمان عبداللہ کا کہنا تھا کہ فلسطینی عوام امن کے خواہاں ہیں۔واضح رہے کہ اسپین نے اتوار کو 2026 فیفا ورلڈ کپ کے فائنل میں ارجنٹینا کو اضافی وقت میں 1-0 سے شکست دے کر عالمی چیمپئن کا اعزاز حاصل کیا۔ اسپین نے 2010 کے بعد دوسری مرتبہ ورلڈ کپ جیتا، جبکہ ارجنٹینا 2022 میں قطر میں حاصل کیا گیا اپنا ٹائٹل برقرار رکھنے میں ناکام رہا۔