باکو میں تیراکی کے پہلے عالمی کپ کی میزبانی پر ملاقات
باکو( سپورٹس ڈیسک) آذربائیجان کے وزیر اعظم علی اسدوف نے 30 ستمبر کو بین الاقوامی تیراکی فیڈریشن کے صدر حسین المسلم سے ملاقات کی۔ملاقات میں باکو میں پہلی مرتبہ تیراکی کے عالمی کپ کے انعقاد کی اہمیت پر تبادلہ خیال کیا گیا۔ اس موقع پر کہا گیا کہ عالمی مقابلے کی میزبانی سے آذربائیجان کی بین الاقوامی کھیلوں میں ساکھ مزید مضبوط ہوگی اور ملک میں تیراکی کے فروغ میں بھی مدد ملے گی۔ملاقات کے دوران آذربائیجان میں تیراکی کے کھیل کی ترقی کے لیے دی جانے والی توجہ، جدید کھیلوں کے بنیادی ڈھانچے اور عالمی مقابلوں کی میزبانی میں ملک کے تجربے پر بھی گفتگو ہوئی۔