پاکستانی سائبر کارروائی، بھارتی نشریات میں فیلڈ مارشل سید عاصم منیر کا خطاب چلا دیا

راولپنڈی( ترکیہ خبر) پاکستان اور بھارت کے درمیان جاری تناؤ کے ماحول میں پاکستانی سائبر فورس کی جانب سے جوابی کارروائی کا دعویٰ سامنے آیا ہے۔ ذرائع کے مطابق اس کارروائی کے نتیجے میں ایک بھارتی ٹیلی وژن چینل کی نشریات عارضی طور پر متاثر ہوئیں۔اطلاعات کے مطابق پاکستانی سائبر فورس نے بھارتی چینل اے بی پی نیوز کے نظام تک رسائی حاصل کرنے کا دعویٰ کیا، جس کے بعد اس کی اسکرین پر کچھ دیر کے لیے مختلف نعرے اور پیغامات نشر ہوتے رہے۔ذرائع کا کہنا ہے کہ اس دوران پاکستانی فوج سے متعلق مواد بھی چلایا گیا، جبکہ فیلڈ مارشل سید عاصم منیر کے ایک خطاب کے اقتباسات بھی اسکرین پر دکھائے گئے۔تاہم اس واقعے کی آزاد ذرائع سے تصدیق نہیں ہو سکی۔ دفاعی ماہرین کا کہنا ہے کہ سائبر محاذ پر بڑھتی سرگرمیاں خطے میں کشیدگی میں اضافے کا سبب بن سکتی ہیں، اس لیے ذمہ دارانہ طرزِ عمل کی ضرورت ہے۔