پاکستان ایران کے باضابطہ جواب کا انتظار کر رہا، رابطہ مشکل قرار

اسلام آباد( ترکیہ خبر) برطانوی خبر ایجنسی کے مطابق پاکستانی اعلیٰ سیکیورٹی عہدیدار نے بتایا ہے کہ پاکستان ایران کے باضابطہ جواب کا انتظار کر رہا ہے۔ذرائع کا کہنا ہے کہ پاکستان نے ایرانی وزیر خارجہ سے رابطہ کیا ہے اور توقع ہے کہ ایران آج رات باضابطہ جواب دے گا۔ تاہم، پاکستانی سیکیورٹی حکام نے واضح کیا کہ ایرانی میڈیا کی انکار کی خبریں گردش کر رہی ہیں، لیکن پاکستان کو ایران سے کوئی سرکاری تصدیق موصول نہیں ہوئی ہے۔پاکستانی ذرائع کے مطابق ایران کے حکام زیر زمین ہیں اور رابطہ کرنا ایک بڑا چیلنج ہے، جس کی وجہ سے صورتحال کو سنجیدگی سے مانیٹر کیا جا رہا ہے۔