اٹلی ضمنی انتخاب، میلونی کی اتحادی جماعت نے نشست جیت لی

روم (مانیٹرنگ ڈیسک) اٹلی کے جنوبی علاقے کلابریا میں ہونے والے ضمنی انتخاب میں وزیراعظم جارجیا میلونی کی حکمران اتحادی جماعت نے اہم نشست دوبارہ حاصل کرلی، حکومتی امیدوار نے 53 فیصد ووٹ حاصل کیے۔یہ انتخاب وزیراعظم جارجیا میلونی کے لیے نئی دائیں بازو کی حریف جماعت نیشنل فیوچر اور اس کے سربراہ سابق فوجی جنرل روبرتو وانناچی کے خلاف اہم سیاسی امتحان قرار دیا جا رہا تھا۔حالیہ رائے عامہ کے جائزوں کے مطابق وانناچی کی جماعت کو 9 فیصد حمایت حاصل ہے، تاہم کلابریا کے ضمنی انتخاب میں اس کے امیدوار نے 10 فیصد ووٹ حاصل کیے۔اٹلی میں آئندہ عام انتخابات 2027 میں متوقع ہیں، جبکہ وانناچی کی بڑھتی ہوئی مقبولیت کو میلونی کے سیاسی اتحاد کے لیے ایک نیا چیلنج قرار دیا جا رہا ہے۔