اردوان کا منصفانہ عالمی نظام کے لیے پانچ نکاتی فریم ورک پیش

استنبول ( تر کیہ خبر) ترک صدر رجب طیب اردوان نے کہا ہے کہ انہوں نے اقوام متحدہ کی جنرل اسمبلی سے اپنے 16ویں خطاب میں زیادہ منصفانہ عالمی نظام کے قیام اور خطے میں جاری تنازعات، بالخصوص غزہ میں اسرائیل کی جنگ اور وسیع تر مشرق وسطیٰ کی صورتحال پر ترکیہ کے مؤقف کو واضح کیا۔انقرہ میں کابینہ اجلاس کے بعد گفتگو کرتے ہوئے اردوان نے کہا کہ ترکیہ درست بات کے لیے آواز بلند کرنے اور سچ بیان کرنے کا سلسلہ جاری رکھے گا۔ترک صدر نے بتایا کہ وہ 20 ستمبر کو نیویارک پہنچے تھے جہاں انہوں نے اقوام متحدہ کی 81ویں جنرل اسمبلی کے اجلاس میں شرکت کی۔ رواں سال کے اجلاس کے دوسرے روز انہوں نے 16ویں مرتبہ جنرل اسمبلی سے خطاب کیا۔انہوں نے کہا کہ اجلاس کا موضوع ’’اعتماد کی بحالی اور عالمی یکجہتی کا دوبارہ فروغ‘‘ تھا۔اردوان کے مطابق اپنے خطاب میں انہوں نے عالمی برادری کے سامنے نئے عالمی نظام کے لیے پانچ نکاتی فریم ورک پیش کیا، جس کی بنیاد زیادہ انصاف، مؤثر نمائندگی، باہمی اعتماد اور خوشحالی پر رکھی گئی ہے۔