آذربائیجان، ایران اقتصادی تعاون بڑھانے پر متفق

باکو (تر کیہ خبر) آذربائیجان کے نائب وزیراعظم شاہین مصطفیٰ یف کی سربراہی میں ایرانی دورے کے موقع پر دونوں ممالک کے درمیان اقتصادی تعاون سے متعلق مشترکہ کمیشن کے شریک چیئرمینوں کا اجلاس ہوا۔آذرتاج کے مطابق اجلاس میں آذربائیجان کی جانب سے نائب وزیراعظم شاہین مصطفیٰ یف جبکہ ایران کی طرف سے وزیر برائے سڑک و شہری ترقی فرزانہ صادق نے شرکت کی۔ملاقات میں اقتصادی و تجارتی تعلقات، ٹرانسپورٹ و مواصلات اور انسانی شعبوں میں باہمی تعاون کی موجودہ صورتحال، باہمی دلچسپی کے دیگر امور اور تعاون کے فروغ کے امکانات پر تبادلہ خیال کیا گیا۔اس موقع پر رواں سال فروری میں باکو میں ہونے والے بین الحکومتی کمیشن کے 17ویں اجلاس کے نتائج کی بنیاد پر طے پانے والے معاہدوں اور مفاہمت کی یادداشت میں شامل اقدامات پر عمل درآمد کی صورتحال کا بھی جائزہ لیا گیا۔نائب وزیراعظم شاہین مصطفیٰ یف نے کہا کہ صدر الہام علیوف اور صدر مسعود پزشکیان کے درمیان فعال سیاسی روابط اور دوستانہ تعلقات دونوں ممالک کے باہمی تعلقات کے فروغ میں اہم کردار ادا کر رہے ہیں۔