آذربائیجان میں توانائی شعبے کے اہم معاہدوں کی دستاویزات کا تبادلہ

باکو (تر کیہ خبر) دوسری آذربائیجان بین الاقوامی سرمایہ کاری فورم کے دوران طے پانے والے معاہدوں کی دستاویزات کا تبادلہ صدر الہام علیوف کی موجودگی میں کیا گیا، ’’ابشیرون‘‘ گیس و کنڈینسیٹ فیلڈ کی مکمل پیمانے پر ترقی سے متعلق حتمی سرمایہ کاری فیصلے کی دستاویز کا تبادلہ سوکار کے صدر روشان نجف، ٹوٹل انرجیز کے تلاش و پیداوار کے صدر نکولس ٹیرازی اور اے ڈی این او سی ایکس آر جی کے ایگزیکٹو آفس کے ڈائریکٹر عمر السویدی نے کیا۔سوکار اور کام اسٹاک ریسورسز کے درمیان اسٹریٹجک شراکت داری کے فریم ورک معاہدے کا تبادلہ سوکار کے صدر روشان نجف اور کام اسٹاک کے صدر رولینڈ برنز نے کیا۔اسی طرح سوکار اور اپولو کے درمیان بالائی سطح کی ترقی اور پیداوار کے منصوبوں میں سرمایہ کاری سے متعلق اسٹریٹجک شراکت داری کی یادداشتِ مفاہمت کا تبادلہ سوکار کے صدر روشان نجف اور اپولو کے منیجنگ ڈائریکٹر جوناتھن بار نے کیا۔