الہام علییف کی قیادت کے 23 سال، آذربائیجان کی تاریخ کا اہم دور

باکو( ترکیہ خبر) آذربائیجان کی جدید تاریخ میں صدر الہام علییف کی قیادت کے 23 سال ایک اہم مرحلے کی حیثیت رکھتے ہیں۔ 15 اکتوبر 2003 کو ہونے والے صدارتی انتخابات میں عوام کا اعتماد حاصل کرنے کے بعد الہام علییف ملک کے صدر منتخب ہوئے، جس کے ساتھ آذربائیجان کی ترقی کے ایک نئے دور کا آغاز ہوا۔آذربائیجان کی سرکاری خبر رساں ایجنسی کے مطابق صدر الہام علییف نے منصب سنبھالنے کے ابتدائی دنوں ہی سے اپنی انتظامی صلاحیتوں، پختہ عزم اور قومی مفادات پر مبنی داخلی و خارجہ پالیسی کا اظہار کیا، جبکہ آنے والے برسوں میں ان اقدامات کے اہم نتائج سامنے آئے۔رپورٹ کے مطابق وقت گزرنے کے ساتھ عوام کا اپنی قیادت پر اعتماد مزید مضبوط ہوا۔ 2008، 2013، 2018 اور 2024 میں ہونے والے صدارتی انتخابات میں الہام علییف کی دوبارہ کامیابی کو ان کی سیاسی پالیسی کے تسلسل کا ایک اہم مظہر قرار دیا گیا ہے۔آذربائیجان کی جدید تاریخ کے اس دور کو ملک کی سیاسی قیادت اور حکومتی پالیسیوں کے تسلسل کے حوالے سے نمایاں اہمیت حاصل ہے۔