ترکی کے شہر انطالیہ میں رواں سال ایک کروڑ 40 لاکھ غیر ملکی سیاحوں کی آمد

انطالیہ( ترکیہ خبر) ترکی کے سیاحتی شہر انطالیہ میں 2026 کے آغاز سے اب تک تقریباً ایک کروڑ 40 لاکھ غیر ملکی سیاح آ چکے ہیں، جبکہ مشرق وسطیٰ کے تنازعات، روس یوکرین جنگ اور عالمی معاشی مشکلات کے باوجود سیاحوں کی آمد میں نمایاں استحکام دیکھا گیا ہے۔خبر رساں ادارے اناطولو کے مطابق بحیرہ روم کے ہوٹل مالکان اور سیاحتی شعبے کے منتظمین کی تنظیم کے صدر کان کاسف کاوالو اوغلو نے کہا کہ جغرافیائی سیاسی کشیدگی اور یورپ میں معاشی جمود کے باعث غیر ملکی سیاحوں کی آمد میں پانچ فیصد کمی کے باوجود رواں سال سیاحتی موسم مجموعی طور پر کامیاب رہا۔انہوں نے کہا کہ روس اور یوکرین انطالیہ کے سیاحتی شعبے کے اہم ذرائع ہیں، اس کے باوجود گزشتہ پانچ برس سے جاری روس یوکرین جنگ کے دوران اس شعبے نے اپنی کارکردگی برقرار رکھنے کی صلاحیت کا مظاہرہ کیا۔کان کاسف کاوالو اوغلو کے مطابق رواں سال یوکرین، ازبکستان اور ہنگری سے آنے والے سیاحوں کی تعداد میں نمایاں اضافہ ہوا، جس نے دیگر علاقوں سے سیاحوں کی آمد میں کمی کے اثرات کو کسی حد تک پورا کرنے میں مدد دی۔