آذربائیجان اور تاجکستان کے صدور کی ملاقات، دوطرفہ تعاون بڑھانے پر اتفاق

باکو( تر کیہ خبر) آذربائیجان کے صدر الہام علییف اور تاجکستان کے صدر امام علی رحمان کے درمیان 14 اکتوبر کو ملاقات ہوئی، جس میں دونوں ممالک کے دوستانہ تعلقات اور باہمی تعاون کو مزید فروغ دینے کے امکانات پر تبادلہ خیال کیا گیا۔آذربائیجان کی سرکاری خبر رساں ایجنسی کے مطابق تاجک صدر امام علی رحمان نے ایشیا میں باہمی روابط اور اعتماد سازی کے اقدامات سے متعلق کانفرنس کے سربراہی اجلاس میں شرکت کی دعوت دینے اور مہمان نوازی پر صدر الہام علییف کا شکریہ ادا کیا۔ملاقات کے دوران دونوں رہنماؤں نے پاکستان سمیت خطے کے دیگر ممالک سے متعلق امور کے بجائے، آذربائیجان اور تاجکستان کے باہمی دوستانہ تعلقات پر اطمینان کا اظہار کیا اور کثیرالجہتی تعاون کو مزید گہرا کرنے کے امکانات پر تبادلہ خیال کیا۔دونوں صدور نے دوطرفہ تعلقات کو وسعت دینے کے ساتھ ساتھ علاقائی اور بین الاقوامی تنظیموں کے دائرہ کار میں تعاون مضبوط بنانے سے متعلق امور پر بھی گفتگو کی۔