اسلام آباد( کامرس ڈیسک) عالمی مالیاتی فنڈ (آئی ایم ایف) کی جانب سے گورننس کی خامیوں اور کرپشن کی نشاندہی کے بعد حکومت نے 142 نکاتی گورننس امپروومنٹ ایکشن پلان کا اعلان کیا ہے۔ یہ منصوبہ وزیراعظم شہباز شریف کی اقتصادی گورننس اصلاحات کا حصہ ہے، جس میں قومی خطرات کی شناخت اور نیب سمیت اہم اداروں میں آئین کے مطابق تقرریاں شامل ہیں تاکہ عوام میں ان کی ساکھ بہتر ہو سکے۔وزیراعظم نے کہا کہ منصوبے میں 59 ترجیحی اقدامات اور 83 تکمیلی اقدامات شامل ہیں، جنہیں اگلے تین سالوں میں نافذ کیا جائے گا۔ انہوں نے مزید کہا کہ گزشتہ دو سالوں میں ملک نے معاشی چیلنجز کے باوجود مثبت نتائج حاصل کیے ہیں، اور اگر یہی رفتار برقرار رہی تو کامیابی یقینی ہے۔وزیر خزانہ محمد اورنگزیب نے بتایا کہ یہ پلان تین بنیادی اسٹریمز پر مبنی ہے: ترقی پر مبنی مالیاتی اور عوامی سرمایہ کاری کی حکمرانی، مارکیٹ کے اعتماد کو بڑھانا، اور ضابطوں کو آسان بنانا جبکہ قانونی عمل میں اعتماد پیدا کرنا۔ وزارت خزانہ ایکشن پلان پر عمل درآمد کے لیے سیکرٹریٹ کا کردار ادا کرے گی، اور یوکے ڈیولپمنٹ آفس تکنیکی معاونت فراہم کرے گا۔ حتمی رپورٹ مارچ 2027 میں پیش کی جائے گی۔
حکومت نے 142 نکاتی گورننس پلان کا اعلان کر دیا
3 ماہ قبل
