مصر نے گھریلو ایندھن کی قیمتوں میں 30 فیصد تک اضافہ کر دیا

انقرہ( کامرس ڈیسک)مصر نے گھریلو ایندھن کی قیمتوں میں 30 فیصد تک اضافہ کر دیا ہے، جس کی وجہ “غیر معمولی” عالمی توانائی کے دباؤ کو قرار دیا گیا ہے جو مشرق وسطیٰ میں جاری جنگ کے باعث تیل کی فراہمی اور شپنگ راستوں میں رکاوٹ پیدا ہوئی ہے۔یہ قیمتیں، جو مصر کی وزارتِ پٹرولیم اور معدنیات نے اعلان کی ہیں، پیٹرول، ڈیزل اور گاڑیوں میں استعمال ہونے والے قدرتی گیس پر لاگو ہوں گی، جس کی اطلاع غیر ملکی میڈیا کے حوالے سے نیوز.اے زی نے دی۔وزارت کے بیان میں کہا گیا کہ یہ فیصلہ مشرق وسطیٰ کے جغرافیائی سیاسی حالات کے باعث پیدا ہونے والی “غیر معمولی صورتحال اور ان کے عالمی توانائی کی مارکیٹ پر براہِ راست اثرات” کے پیشِ نظر لیا گیا ہے۔