پلے آف میں شکست اٹلی کے کوچ اور حکام مستعفی

انقرہ( سپورٹس ڈیسک)اٹلی کی قومی فٹبال ٹیم کو بوسنیا و ہرزیگووینا کے خلاف زینیتسا میں کھیلے گئے پلے آف فائنل میں پنالٹی شوٹ آؤٹ پر شکست کا سامنا کرنا پڑا، جس کے بعد ٹیم میں بڑا انتظامی بحران سامنے آ گیا۔شکست کے فوری بعد اطالوی فٹبال فیڈریشن کے صدر گبریئیلے گراوینا اور وفد کے سربراہ جیان لُوئیجی بوفون نے اپنے عہدوں سے استعفیٰ دے دیا۔اس کے بعد اٹھتالیس سالہ ہیڈ کوچ جینارو گیٹوسو نے بھی ذمہ داری قبول کرتے ہوئے اپنے عہدے سے علیحدگی اختیار کر لی۔اطالوی ٹیم اپنی کوالیفائنگ گروپ میں ناروے سے چھ پوائنٹس پیچھے رہتے ہوئے دوسرے نمبر پر رہی تھی، جس کے باعث اسے پلے آف مرحلے میں جانا پڑا۔ ابتدائی مقابلے میں شمالی آئرلینڈ کو شکست دینے کے بعد فیصلہ کن میچ میں بوسنیا کے خلاف ناکامی کا سامنا کرنا پڑا۔گیٹوسو نے اپنے بیان میں کہا کہ ٹیم کا بنیادی ہدف ورلڈ کپ تک رسائی حاصل کرنا تھا، تاہم وہ اس مقصد میں کامیاب نہ ہو سکے، جس کی مکمل ذمہ داری وہ قبول کرتے ہیں۔