چین اور برطانیہ کا مختلف شعبوں میں تعاون بڑھانے پر اتفاق

بیجنگ( مانیٹرنگ ڈیسک) چینی صدر شی جن پنگ اور برطانوی وزیراعظم اینڈی برنہم کے درمیان ٹیلی فون پر گفتگو ہوئی، جس میں دونوں ممالک کے درمیان تعاون کو وسعت دینے اور مشترکہ مفادات کو فروغ دینے پر اتفاق کیا گیا۔شی جن پنگ نے کہا کہ چین اور برطانیہ کے درمیان اختلافات کے مقابلے میں مشترکہ مفادات کہیں زیادہ ہیں، اس لیے دونوں ملکوں کو اختلافات پر قابو پاتے ہوئے باہمی فائدے پر مبنی تعاون آگے بڑھانا چاہیے۔چینی صدر نے ٹیکنالوجی، تعلیم، صحت اور مالیاتی شعبوں میں دوطرفہ روابط مزید مستحکم کرنے پر زور دیا۔ انہوں نے برطانیہ میں چینی سرمایہ کاروں کے جائز حقوق اور مفادات کے تحفظ کو یقینی بنانے کی ضرورت بھی اجاگر کی۔برطانوی وزیراعظم اینڈی برنہم نے کہا کہ دونوں ملکوں کے درمیان عملی تعاون اقتصادی ترقی اور عوام کے معیار زندگی میں بہتری کا ذریعہ بن سکتا ہے۔ انہوں نے دوطرفہ تعاون کو مزید وسعت دینے کی اہمیت پر زور دیا۔برطانوی ذرائع ابلاغ کے مطابق گفتگو کے دوران روس، یوکرین جنگ، انسانی حقوق سمیت اہم عالمی اور باہمی امور بھی زیر بحث آئے۔