ترکیہ میں آذربائیجان کے نئے سفیر نے اسناد پیش کر دیں

انقرہ( تر کیہ خبر) ترکیہ کے صدر رجب طیب اردوان نے آذربائیجان کے نئے سفیر برائے ترکیہ راشد اسلانوف سے ملاقات کی، جس کے دوران آذربائیجانی سفیر نے اپنی سفارتی اسناد صدر اردوان کو پیش کیں۔راشد اسلانوف اس سے قبل اٹلی، سان مارینو اور مالٹا میں آذربائیجان کے سفیر کے فرائض انجام دے چکے ہیں۔ وہ اقوام متحدہ کے ادارہ برائے خوراک و زراعت، عالمی خوراک پروگرام اور بین الاقوامی زرعی ترقیاتی فنڈ میں آذربائیجان کے مستقل نمائندے بھی رہ چکے ہیں۔آذربائیجان کے صدر الہام علیوف نے 24 جولائی کو راشد اسلانوف کو ترکیہ میں غیر معمولی اور مکمل اختیارات کے سفیر مقرر کرنے کا حکم جاری کیا تھا۔اس موقع پر برطانیہ، سویڈن، کینیڈا اور تھائی لینڈ کے نومنتخب سفیروں نے بھی صدر رجب طیب اردوان کو اپنی سفارتی اسناد پیش کیں۔