غزہ ( مانیٹرنگ ڈیسک) جنگ بندی کے باوجود اسرائیلی فورسز کی کارروائیاں تاحال جاری ہیں، جس کے نتیجے میں شہریوں کی شہادتوں میں مسلسل اضافہ ہو رہا ہے۔عرب ذرائع ابلاغ کے مطابق شمالی غزہ میں ڈرون حملے کے نتیجے میں مزید دو افراد شہید ہو گئے، جبکہ مختلف علاقوں میں کشیدگی برقرار ہے۔رپورٹس کے مطابق جنگ بندی کے باوجود اسرائیلی فوجی کارروائیاں نہ رک سکیں، جس کے باعث صورتحال بدستور سنگین ہے۔اعداد و شمار کے مطابق دس اکتوبر دو ہزار پچیس سے اب تک سات سو چھیاسٹھ افراد شہید اور دو ہزار ایک سو سینتالیس زخمی ہو چکے ہیں۔مزید برآں اکتوبر دو ہزار تئیس سے جاری حملوں میں مجموعی طور پر بہتر ہزار تین سو پینتالیس فلسطینی شہید جبکہ ایک لاکھ بہتر ہزار دو سو پچاس سے زائد شہری زخمی ہو چکے ہیں، جس سے انسانی بحران شدت اختیار کر گیا ہے۔
