آذربائیجانی تیراک مہری آغائیوا نے سلور میڈل جیت لیا

باکو( سپورٹس ڈیسک) آذربائیجان کی نوجوان تیراک مہری آغائیوا نے بلغاریہ کے دارالحکومت صوفیہ میں ہونے والے 13ویں صوفیہ ڈائیونگ کپ انٹرنیشنل ٹورنامنٹ میں چاندی کا تمغہ حاصل کر لیا۔آذربائیجانی کھلاڑی نے لڑکیوں کے گروپ ای کے ایک میٹر اسپرنگ بورڈ مقابلے میں شاندار کارکردگی کا مظاہرہ کرتے ہوئے 115.20 پوائنٹس حاصل کیے اور 15 کھلاڑیوں میں دوسری پوزیشن حاصل کی۔اس بین الاقوامی مقابلے میں 15 ممالک سے تعلق رکھنے والے مجموعی طور پر 187 کھلاڑیوں نے شرکت کی۔