لاہور: آٹے کی قیمتیں قابو میں، فلور ملز آج سے دوبارہ کھل جائیں گی

لاہور… آٹے کی قیمتوں کے حوالے سے پنجاب حکومت اور فلور ملز مالکان کے درمیان معاملات طے پا گئے ہیں۔ ذرائع کے مطابق فلور ملز نے محدود مقدار میں آٹا سپلائی کرنے پر رضامندی ظاہر کر دی ہے، جس کے بعد پنجاب بھر کی 800 ملز آج سے دوبارہ کھل جائیں گی۔فلور ملز آج سے 10 اور 20 کلو کے تھیلے سرکاری نرخوں پر مارکیٹ میں فراہم کریں گی، جبکہ حکومت ہر ماہ ایک لاکھ ٹن گندم فلور ملز کو فراہم کرے گی۔ذرائع کے مطابق دو ملٹی نیشنل کمپنیوں نے 25 لاکھ بوری گندم تین ہزار روپے من میں فراہم کرنے پر آمادگی ظاہر کی ہے، اور ان کے نمائندے آج ڈی جی فوڈ سے ملاقات میں مقدار اور طریقہ کار طے کریں گے۔