آذربائیجان میںترکیہ کے نئے فوجی اتاشی کی تقرری پر وزیر دفاع کا خیرمقدم

آذربائیجان…جمہوریہ آذربائیجان کے وزیر دفاع کرنل جنرل ذاکر حسنوف نے آذربائیجان میں ترکیہ کے نئے فوجی اتاشی میجر جنرل ارسن دینچر سے رسمی ملاقات کی۔ وزیر دفاع نے ترک مہمان کا پرتپاک خیرمقدم کیا اور انہیں اپنی سرکاری ذمہ داریوں کے آغاز پر مبارکباد دی۔ انہوں نے آذربائیجان اور ترکی کے تعلقات کو دوستی، بھائی چارہ اور اسٹریٹجک اتحاد کی بنیاد پر مستحکم قرار دیتے ہوئے کہا کہ دونوں ممالک کے درمیان عسکری تعاون مختلف شعبوں میں مضبوط ہو رہا ہے۔ کرنل جنرل ذاکر حسنوف نے نئے فوجی اتاشی کو اس تعاون کو مزید فروغ دینے کے لیے نیک خواہشات بھی پیش کیں۔ میجر جنرل ارسن دینچر نے بھی دیے گئے گرمجوش استقبال اور مہمان نوازی پر شکریہ ادا کیا اور آذربائیجان میں بطور فوجی اتاشی اپنی خدمات شروع کرنے پر فخر کا اظہار کیا۔ انہوں نے دونوں ممالک کے درمیان عسکری تعاون کو ترقی دینے کے لیے بھرپور محنت کا عزم ظاہر کیا۔ ملاقات میں میجر جنرل غفار گورین بھی موجود تھے، جنہوں نے آذربائیجان میں فوجی اتاشی کی حیثیت سے اپنی ذمہ داری مکمل کی ہے۔ اس موقع پر دونوں فریقین نے عسکری، عسکری تکنیکی اور عسکری تعلیمی شعبوں میں تعاون کے نئے مواقع اور دیگر باہمی دلچسپی کے امور پر تفصیلی تبادلہ خیال کیا۔