مچل اسٹارک کا ٹی ٹوئنٹی کرکٹ سے ریٹائرمنٹ کا اعلان

آسٹریلیا …آسٹریلوی فاسٹ بولر مچل اسٹارک نے ٹی ٹوئنٹی انٹرنیشنل کرکٹ سے ریٹائرمنٹ کا اعلان کر دیا۔ کرکٹ آسٹریلیا کے مطابق اسٹارک نے ٹیسٹ اور ون ڈے فارمیٹ پر توجہ دینے کے لیے یہ فیصلہ کیا ہے۔ وہ 65 ٹی ٹوئنٹی انٹرنیشنل میچوں میں 79 وکٹیں حاصل کر چکے ہیں۔اپنے بیان میں مچل اسٹارک نے کہا کہ ٹیسٹ کرکٹ ہمیشہ ان کی پہلی ترجیح رہی ہے، تاہم وہ ٹی ٹوئنٹی کرکٹ کے ہر لمحے سے لطف اندوز ہوئے۔ انہوں نے کہا کہ وہ انڈیا ٹیسٹ ٹور، ایشیز اور 2027 ورلڈ کپ میں بہترین کارکردگی کے لیے فٹ رہنے کے خواہاں ہیں۔ادھر کرکٹ آسٹریلیا نے اسٹارک کی غیر موجودگی میں نیوزی لینڈ کے خلاف تین میچوں کی ٹی ٹوئنٹی سیریز کے لیے اسکواڈ کا اعلان کر دیا ہے۔ میچل مارش کو ٹیم کی قیادت سونپی گئی ہے جبکہ پیٹ کمنز کمر کی تکلیف کے باعث سیریز میں شامل نہیں ہوں گے۔یہ سیریز یکم، 3 اور 4 اکتوبر کو کھیلی جائے گی۔