ترکیہ امریکا کا مضبوط اتحادی ہے، امریکی سفیر

انقرہ… ترکیہ میں تعینات امریکی سفیر ٹام باراک نے کہا ہے کہ ترکیہ ہر معاملے میں امریکہ کا ایک مضبوط دوست اور اتحادی رہا ہے۔انہوں نے کہا کہ ترکیہ کے بارے میں بعض حلقوں میں پائی جانے والی غلط فہمیاں حقیقت کے برعکس ہیں۔ امریکی سفیر کے مطابق ترکیہ نہ صرف امریکہ بلکہ نیٹو میں بھی سب سے زیادہ تعاون کرنے والے ممالک میں شمار ہوتا ہے۔ٹام باراک نے کہا کہ ترکیہ اور امریکہ کے تعلقات دیرینہ ہیں اور خطے میں امن و استحکام کے لیے دونوں ممالک کے درمیان تعاون انتہائی اہمیت رکھتا ہے۔