شارجہ اسٹیڈیم میں بڑا معرکہ، سہ فریقی سیریز کا آغاز آج پاکستان اور افغانستان آمنے سامنے

شارجہ…ایشیا کپ سے قبل ہتھیاروں کی آزمائش کا وقت آ گیا ہے۔ تاریخی اہمیت کے حامل شارجہ اسٹیڈیم میں آج سہ فریقی ٹی ٹوئنٹی سیریز کا آغاز ہو رہا ہے، جس میں پاکستان، افغانستان اور متحدہ عرب امارات کی ٹیمیں ایک دوسرے کے مدمقابل آئیں گی۔افتتاحی میچ میں پاکستان ٹیم بلند حوصلوں اور جیت کے عزم کے ساتھ افغانستان کے خلاف میدان میں اترے گی۔پاکستانی کپتان سلمان علی آغا نے کہا ہے کہ سہ فریقی سیریز ایشیا کپ کی تیاریوں کا بہترین موقع ہے۔ ان کے مطابق قیادت ایک اعزاز کے ساتھ بڑی ذمہ داری بھی ہے، اور کوشش ہو گی کہ ٹیم کی اچھی کارکردگی کو برقرار رکھا جائے۔انہوں نے مزید کہا کہ افغانستان کے خلاف میچ میں کھلاڑی بھرپور تیاری کے ساتھ ایکشن میں نظر آئیں گے۔