مقبوضہ کشمیر میں 50 سالہ بارش کا ریکارڈ ٹوٹ، 30 افراد ہلاک

مقبوضہ کشمیر…مقبوضہ کشمیر میں شدید بارشوں نے تباہی مچا دی ہے اور 50 سالہ بارش کا ریکارڈ ٹوٹ گیا۔ 360 ملی میٹر بارش کے باعث دریاں کے بند ٹوٹ گئے، متعدد پل اور سڑکیں بہہ گئیں، جبکہ وادی میں موبائل انٹرنیٹ، براڈبینڈ اور ٹیلی فون سروس مکمل طور پر معطل ہوگئی ہے۔بارش اور لینڈ سلائیڈنگ کے نتیجے میں اب تک 30 افراد جاں بحق ہو چکے ہیں، جبکہ جموں اور ڈوڈا میں ہلاکتوں کی تعداد 37 تک پہنچ گئی ہے۔ دریائے جہلم میں پانی کی سطح خطرناک حد سے اوپر جا چکی ہے۔ حکام نے مزید بارش کی پیشگوئی کرتے ہوئے تمام تعلیمی ادارے آج بھی بند رکھنے کا اعلان کیا ہے۔بھارت کے شمالی علاقے ہماچل پردیش اور پنجاب بھی بارشوں کی زد میں ہیں، جہاں منالی اور پٹھان کوٹ کے دریاں میں شدید طغیانی کے باعث عمارتیں گر گئیں اور گاڑیاں بہہ گئیں۔