شاہ رخ خان اور دیپیکا پڈوکون کے خلاف راجستھان میں گاڑی کے اشتہار پر مقدمہ درج

ممبئی …بھارت کے شہر بھرت پور میں بالی ووڈ کے سپر اسٹار شاہ رخ خان اور دیپیکا پڈوکون کے خلاف مقدمہ درج کر دیا گیا ہے۔مقدمہ ایک مقامی وکیل کیرتی سنگھ نے دائر کیا ہے، جنہوں نے 2022 میں 23.97 لاکھ بھارتی روپے کی گاڑی خریدی تھی۔ وکیل کے مطابق چند ماہ بعد گاڑی میں سنگین تکنیکی خرابیاں پیدا ہوئیں جو حادثات کا سبب بن سکتی تھیں۔وکیل نے دعوی کیا کہ ڈیلرشپ نے تصدیق کی کہ مسئلہ مینوفیکچرنگ کا ہے اور اسے درست نہیں کیا جا سکتا۔ مقدمے میں مقف اختیار کیا گیا کہ خریداری کا فیصلہ شاہ رخ اور دیپیکا کے اشتہارات سے متاثر ہو کر کیا گیا، جس میں گاڑی کو مکمل طور پر ٹربل فری ظاہر کیا گیا تھا۔پولیس نے مقدمہ درج کر کے تحقیقات شروع کر دی ہیں۔