حمزہ عباسی کی بہن نے ہانیہ عامر اور ماہرہ خان کو خوبصورتی کے حوالے سے مشورہ دے دیا

کراچی …اداکار حمزہ عباسی کی بہن اور معروف ڈرماٹولوجسٹ ڈاکٹر فضیلہ عباسی نے اداکارہ ہانیہ عامر اور ماہرہ خان کو خوبصورتی کے حوالے سے اہم مشورہ دیا ہے۔ایک حالیہ گفتگو میں ڈاکٹر فضیلہ عباسی نے کہا کہ ہانیہ عامر نوجوان اور قدرتی طور پر خوبصورت ہیں، اس لیے انہیں فلرز یا بوٹاکس جیسے ٹریٹمنٹس کی ضرورت نہیں اور انہیں مشورہ دیا کہ وہ ایسا کچھ نہ کروائیں۔ماہرہ خان کے حوالے سے بات کرتے ہوئے انہوں نے کہا کہ لوگ اکثر ان کی ناک یا دیگر خصوصیات پر مشورے دیتے ہیں، لیکن انہیں کبھی بھی اس پر عمل نہیں کرنا چاہیے، کیونکہ بعض چیزیں جو لوگ غیر ضروری سمجھتے ہیں، وہ ہی ہماری اصل خوبصورتی کا سبب بنتی ہیں۔ ڈاکٹر فضیلہ نے واضح کیا کہ ماہرہ کو بھی فلرز یا بوٹاکس کی ضرورت نہیں ہے۔یاد رہے کہ ڈاکٹر فضیلہ عباسی کی بھابھی اور حمزہ علی عباسی کی اہلیہ نیمل خاور خان نے حال ہی میں اپنی ناک کی سرجری کرائی تھی، جس پر انہیں سوشل میڈیا پر شدید تنقید کا سامنا کرنا پڑا تھا۔