پاکستان سٹاک مارکیٹ کی اچانک مندی، ہنڈرڈ انڈیکس 1355 پوائنٹس کی کمی کے ساتھ منفی زون میں

کراچی… پاکستان سٹاک مارکیٹ میں کاروباری ہفتے کے چوتھے روز ہنڈرڈ انڈیکس میں ابتدائی تیزی کے بعد اچانک مندی دیکھی گئی۔ کاروبار کے آغاز پر زبردست تیزی کے ساتھ ہنڈرڈ انڈیکس 600 سے زائد پوائنٹس کے اضافے کے بعد ایک لاکھ 51 ہزار 249 پوائنٹس کی بلند سطح پر پہنچا، تاہم بعدازاں ٹریڈنگ کے دوران مارکیٹ منفی زون میں چلی گئی۔آخری تجارتی سیشن میں ہنڈرڈ انڈیکس میں 1355 پوائنٹس کی کمی ریکارڈ کی گئی اور یہ ایک لاکھ 49 ہزار 235 پوائنٹس پر بند ہوا۔ گزشتہ کاروباری دن کے اختتام پر ہنڈرڈ انڈیکس 820 پوائنٹس کے اضافے کے ساتھ ایک لاکھ 50 ہزار 591 پوائنٹس پر بند ہوا تھا۔آج کے دن سٹاک مارکیٹ میں مجموعی طور پر 39 ارب 17 کروڑ 56 لاکھ 52 ہزار 800 روپے مالیت کے 42 کروڑ 62 لاکھ 72 ہزار 64 شیئرز کا لین دین کیا گیا۔