54
غزہ…اسرائیل کی جانب سے حماس کے ساتھ جنگ بندی کی حمایت کے باوجود جارحیت کا سلسلہ نہ تھم سکا۔صیہونی فورسز کے تازہ فضائی اور زمینی حملوں میں مزید 81 فلسطینی شہید اور درجنوں زخمی ہو گئے۔ شہدا میں 30 ایسے معصوم افراد بھی شامل ہیں جو امداد کے منتظر تھے۔ غزہ میں مجموعی شہادتوں کی تعداد بڑھ کر 62 ہزار 125 ہو گئی ہے۔ادھر عالمی برادری کی جانب سے فوری جنگ بندی کی اپیلیں جاری ہیں، قطر، مصر اور اقوام متحدہ کی ثالثی کے ذریعے مذاکرات ہو رہے ہیں، تاہم اسرائیل کے حتمی جواب کا انتظار ہے۔دوسری طرف اسرائیل کے اندر بھی نیتن یاہو حکومت کے خلاف احتجاج بڑھ گیا ہے۔ یرغمالیوں کے اہل خانہ اور ہزاروں مظاہرین نے غزہ بارڈر کی جانب مارچ کیا اور حکومت کے خلاف شدید نعرے بازی کی۔ مظاہرین نے اسرائیلی فوج کی غزہ پر قبضے کی پالیسی کو یکسر مسترد کر دیا۔
