15
نیو یارک…ماہرین کے مطابق دل کی بیماری اکثر آہستہ آہستہ بڑھتی ہے اور ابتدا میں اس کی ہلکی علامات کو معمولی سمجھ کر نظرانداز کر دیا جاتا ہے، مگر کچھ واضح وارننگ سگنلز ایسے ہیں جو براہِ راست دل کی کمزوری یا شریانوں کے متاثر ہونے کی نشاندہی کرتے ہیں۔ماہرین نے دل کے مسائل کی چھ بڑی علامات درج ذیل بتائی ہیں:
- سانس پھولنا
اگر معمولی سی محنت یا آرام کے دوران بھی بار بار سانس پھولے تو یہ دل کی کمزوری یا شریانوں کے بند ہونے کا اشارہ ہو سکتا ہے۔ - سینے میں درد یا دبا
سینے میں بھاری پن، جلن یا دبا دل کے دورے کی سب سے عام علامت ہے۔ یہ درد بعض اوقات کندھے، بازو، گردن یا جبڑے تک پھیل جاتا ہے۔ - اچانک اور غیر معمولی تھکن
خاص طور پر خواتین میں یہ علامت نمایاں ہوتی ہے۔ بغیر کسی وجہ کے کمزوری اور تھکن دل کی ناکافی پمپنگ کی نشاندہی کرتی ہے۔ - دل کی بے ترتیبی دھڑکن
دل کا تیز، سست یا بے قاعدہ دھڑکنا ہارٹ اٹیک یا ہارٹ فیلیئر کا خطرہ ظاہر کرتا ہے۔ - سوجن
پاں، ٹخنوں یا پیروں میں بار بار سوجن آنا دل کی کمزوری یا جسم میں پانی جمع ہونے کا نتیجہ ہو سکتا ہے۔ یہ گردوں پر دبا کی وجہ سے بھی دل کی بیماری کی علامت بن سکتا ہے۔ - چکر آنا یا بے ہوشی
دماغ کو خون کی ناکافی فراہمی سے چکر آ سکتے ہیں، جو شریانوں کے تنگ ہونے یا دل کی کمزور پمپنگ کا نتیجہ ہو سکتا ہے۔
ماہرین کا کہنا ہے کہ ان علامات کو ہرگز معمولی نہ سمجھیں اور بروقت ڈاکٹر سے رجوع کریں کیونکہ بروقت تشخیص ہی دل کی بیماری کو جان لیوا مرحلے تک پہنچنے سے روک سکتی ہے۔
