ترکیہ کی معروف ڈرون بنانے والی کمپنی، بایکار ، نے اطالوی ایوی ایشن فرم پیاجیو ایروسپیس کا کنٹرول سنبھال لیا ہے۔ یہ معاہدہ ترکیہ کی دفاعی صنعت میں اہم پیش رفت کے طور پر دیکھا جا رہا ہے، جو اسے جدید ٹیکنالوجی اور ایوی ایشن کے شعبے میں عالمی سطح پر مضبوط مقام حاصل کرنے میں مدد فراہم کرے گا۔
پیاجیو ایروسپیس، جو کہ اپنی ایرو اسپیس مصنوعات اور معروف پی 180 ایویانٹی ایئرکرافٹ کے لیے مشہور ہے، بایکار کے نیٹ ورک اور جدید ڈرون سسٹمز میں انضمام سے دفاعی اور سول ایوی ایشن کے میدان میں نئی اختراعات متعارف کروا سکتی ہے۔
ماہرین کا کہنا ہے کہ یہ معاہدہ نہ صرف بیقار کی پیداوار اور تکنیکی صلاحیتوں کو بڑھائے گا بلکہ ترکیہ اور یورپ کے درمیان صنعتی اور تجارتی تعاون کو بھی فروغ دے گا۔ دفاعی صنعت کے حکام کا خیال ہے کہ اس سے ترکیہ کو اپنی مقامی اور عالمی مارکیٹ میں ٹیکنالوجی کی برتری حاصل کرنے میں مدد ملے گی۔
ترکیہ کی بایکار کمپنی نے اطالوی ایوی ایشن فرم پیاجیو ایروسپیس خرید لی
79
