ترکیہ کی امدادی ایجنسی نے اسلام آباد پریس کلب میں جدید کانفرنس ہال تعمیر کردیا

ہ کی امدادی ایجنسی ٹی آئی کے اے (ترک کوآپریشن اینڈ کوآرڈینیشن ایجنسی) نے اسلام آباد پریس کلب میں ایک جدید کانفرنس ہال تعمیر کرکے اسے صحافیوں کے لیے وقف کردیا ہے۔ اس جدید سہولت کا افتتاح ایک تقریب میں کیا گیا، جس میں ترکیہ اور پاکستان کے اعلیٰ حکام نے شرکت کی۔
اس کانفرنس ہال کو جدید ٹیکنالوجی سے لیس کیا گیا ہے، جو پریس کانفرنسز، سیمینارز اور ورکشاپس کے انعقاد کے لیے استعمال کیا جائے گا۔ ترک حکام نے اس اقدام کو دونوں ممالک کے درمیان قریبی تعاون اور ثقافتی رشتے کا اظہار قرار دیا۔
اسلام آباد پریس کلب کی انتظامیہ نے اس تعاون کو سراہتے ہوئے ترکیہ کا شکریہ ادا کیا اور کہا کہ یہ اقدام صحافی برادری کے لیے انتہائی مفید ثابت ہوگا۔ یہ منصوبہ ترکیہ کے عوام کی جانب سے پاکستانی بھائیوں کے لیے دوستی کا عملی مظہر ہے۔