ترکیہ کی دفاعی صنعت نے ایک اور سنگ میل عبور کیا، جب ترکیہ کے پہلے مقامی حصار کلاس اوف شور پیٹرول ویسل کا سی ٹرائلز شروع کر دیا گیا۔ یہ ترقیاتی قدم ترکیہ کی دفاعی خودمختاری کے لیے اہم پیش رفت ہے۔اس اوف شور پیٹرول ویسل کو ترکیہ کی جدید دفاعی ٹیکنالوجیز سے لیس کیا گیا ہے، جو ملکی سمندری سرحدوں کی حفاظت میں اہم کردار ادا کرے گا۔ اس منصوبے کا مقصد ترکیہ کی سمندری دفاعی صلاحیتوں کو بڑھانا اور ملک کی سمندری سرحدوں پر نگرانی اور سیکیورٹی کو مزید مستحکم کرنا ہے۔
حصار کلاس OPV میں جدید سطح سے فضا میں مار کرنے والے میزائل، جدید ریڈار سسٹمز اور دیگر جدید دفاعی نظام موجود ہیں۔ اس کا ڈیزائن متنوع حفاظتی آپریشنز کے لیے کیا گیا ہے، جس میں ساحلی نگرانی، سمندری سرحدوں کی حفاظت اور آبی علاقوں میں غیرقانونی سرگرمیوں کا پتہ چلانا شامل ہیں۔ترکیہ کا دفاعی شعبہ عالمی سطح پر اپنی دفاعی ٹیکنالوجیز کو بہتر بنانے اور غیرملکی ٹیکنالوجیز پر انحصار کم کرنے کی کوششوں میں لگا ہوا ہے، اور یہ OPV اس حکمت عملی کی ایک اہم مثال ہے۔ اس ویسل کے سی ٹرائلز کا کامیاب ہونا ترکیہ کی دفاعی صنعت کے لیے ایک اہم کامیابی ہے۔
