یومِ جمہوریہ ترکیہ پر ترک صدر کا قوم سے خطاب ،ہم نے قومی اتحاد سے دشمن کی سازشوں کو ناکام بنایا

صدر رجب طیب ایردوان نے ترکیہ کے یومِ جمہوریہ کے موقع پر قوم کے نام خصوصی پیغام میں کہا کہ ترکیہ کی جڑیں صدیوں پر محیط ہیں، اور ہم اپنی تہذیبی اقدار اور قومی ورثے کو برقرار رکھتے ہوئے ملک اور خطے میں امن، انصاف اور استحکام کے لیے پرعزم ہیں۔

انہوں نے کہا کہ ترکیہ کی ترقی اور دفاع کو کمزور کرنے کی سازشیں ناکام بنا دی گئی ہیں اور ہماری ہر قربانی اس وطن کو مزید مضبوط بنانے کا عکاس ہے۔ ایردوان نے ریاست کے بانیان اور قربانیاں دینے والے ہیروز کو خراج تحسین پیش کرتے ہوئے کہا کہ ہم ایک مضبوط اور خوشحال ترکیہ کے قیام کے لیے متحد ہیں۔

صدر ایردوان نے مزید کہا کہ ترکیہ کا ہر شہری، چاہے وہ کہیں بھی ہو، اس سفر میں ہمارے ساتھ ہے اور ہمارا مقصد ایک طاقتور ترکیہ کی تشکیل ہے۔