ایران پر عنقریب حملہ ہوگا تیاریاں مکمل : اسرائیلی عہدیدار کا انکشاف

اسرائیلی حکومت یکم اکتوبر کے میزائل حملے کے جواب میں ایران کے خلاف بڑے جوابی حملے کی تیاری کر رہی ہے۔
اسرائیلی سرکاری ٹیلی ویژن کان نے ایک نامعلوم اسرائیلی عہدیدار کے حوالے سے اطلاع دی ہے کہ تل ابیب حکومت ایران کے خلاف ایک بڑے حملے کی منصوبہ بندی کر رہی ہے۔یہ بھی بتایا گیا ہے کہ تیاریوں میں ایران کی جانب سے ممکنہ جوابی کارروائی کے خدشے کے پیش نظر دفاعی نظام کو مضبوط بنانے کے اقدامات شامل ہیں۔
خبر میں ذکر کیا گیا ہے کہ اسرائیل کی دفاعی کابینہ کے آج شام ہونے والے اجلاس میں وزیراعظم بنیامین نتن یاہو اور وزیر دفاع یاو گیلنٹ کو اس حملے کے وقت اور طریقہ کار کا فیصلہ کرنے کا اختیار دیا جائے گا۔
یاد رہے کہ ایران نے یکم اکتوبر کو اسرائیل پر میزائل حملہ کیا تھا، جس کے بعد تل ابیب حکومت نے اس کا جواب دینے کا اعلان کیا تھا۔