وفاقی بجٹ 2024-25 کا اعلان جون کے پہلے ہفتے میں ہوگا، اس بجٹ کی منظوری کے لیے قومی اسمبلی میں اجلاس 5 جون کو طلب کیا جائے گا، اور اس کا بحث کا آغاز 10 جون سے ہوگا۔ وزیر خزانہ بجٹ پیش کرینگے۔ قومی اسمبلی کے ذرائع کے مطابق، بجٹ کی منظوری کا اجلاس عید الاضحی کے بعد جون کے آخری ہفتے میں لیا جائے گا۔
آئندہ سالانہ بجٹ 2024-25 میں ٹریک اینڈ ٹریس سسٹم کو وسیع کرنے کا فیصلہ کیا گیا ہے، اور اس میں ٹائلرز کے شعبے میں ٹریک اینڈ ٹریس لگانے کی بھی تجویز شامل ہے۔ آئندہ مالی سال میں ڈائریکٹوریٹ جنرل آف ڈیجیٹل انوائسز کو مزید اختیارات دیے جانے کا امکان ہے، اور کاروباری سپلائی چین کو دستاویزی بنایا جائے گا۔
بجٹ میں پوائنٹ آف سیلز میں ایف بی آر کی رسید پر فیس 1 روپے سے بڑھانے کی تجویز شامل ہے، اور پوائنٹ آف سیل سسٹم نہ لگانے والے ریٹیلرز کا خصوصی آڈٹ بھی کیا جائے گا۔
آئندہ بجٹ میں کاروبار کیلئے سنگل سیلز ٹیکس ریٹرن متعارف کروانے کا فیصلہ کیا گیا ہے، اور سیلز ٹیکس میں غیر رجسٹرڈ کاروباری افراد کی سپلائر کی مانیٹرنگ بھی کی جائے گی۔
